Қазақстан мен Қырғызстан арасында шекара учаскелеріне қатысты құжат бекітілді

None
АСТАНА. ҚазАқпарат – Бүгін Мәжілістің жалпы отырысында «Қазақстан Үкіметі мен Қырғызстан Үкіметі арасындағы шекаралық өкілдердің қызмет учаскелері туралы хаттаманы ратификациялау туралы» Заңы қабылданды, деп хабарлайды ҚазАқпарат тілшісі.

Хаттаманың негізгі мақсаты – Қазақстан Республикасы мен Қырғыз Республикасының шекаралық өкілдері өз функцияларын орындауға жауапты болатын мемлекеттік шекара учаскелерінің аумақтық шектерін айқындау.

Хаттамаға сәйкес Қазақстан Республикасының Үкіметі мен Қырғыз Республикасының Үкіметі мынадай учаскелерді айқындады:

Қазақстан Республикасының тарапынан – Алматы, Қордай және Тараз учаскелері, ал Қырғыз Республикасының тарапынан – Ыстықкөл, Шу және Талас учаскелері.

Мәжілістің Халықаралық істер, қорғаныс және қауіпсіздік комитеті мәліметіне қарағанда, хаттама екі ел арасындағы қатынастардың құқықтық негізін белгілеуге және реттеуге бағытталған, Қазақстан – Қырғыз мемлекеттік шекарасындағы шекаралық өкілдердің қызмет учаскелерін айқындауды көздейді. Бұл еліміздің Мемлекеттік шекарасының белгіленген режимін қолдауға ықпал ететін болады.


Соңғы жаңалықтар
telegram