Қазақстан мен Ресей басшылары телефон арқылы бірін-бірі келе жатқан Жаңа жылмен құттықтап, екі ел халқына игілік және бақ-береке тіледі
АСТАНА. 31 желтоқсан. ҚазАқпарат - Бүгін Мемлекет басшысы Нұрсұлтан Назарбаев Ресей Федерациясының Президенті Владимир Путинмен телефон арқылы сөйлесті, деп хабарлайды Ақорданың баспасөз қызметінен.
Әңгімелесу барысында Нұрсұлтан Назарбаев Волгоград қаласындағы террорлық әрекеттерге байланысты тағы да қайғырып көңіл айтты.
Сонымен қатар, мемлекеттер басшылары бірін-бірі алдағы Жаңа жылмен құттықтап, екі елдің халқына игілік және бақ-береке тіледі.
