Қазақстан мен Ұлыбритания Стратегиялық серіктестік туралы бірлескен мәлімдемеге қол қойды

«Ең әуелі менің шақыруымды қабыл алып, Қазақстанға тұңғыш тарихи сапармен келгені үшін Ұлыбритания Премьер-Министрі Э. Кэмеронға шын алғысымды айтамын. Бұл сапар біздің өзара қарым-қатынастарымыздың тарихының жаңа парағын ашты деуге болады. Бүгін біз Стратегиялық серіктестік туралы бірлескен мәлімдемеге қол қойдық. Ол ынтымақтастық әлеуетін ғана емес, қарым-қатынастарды сапалы жаңа деңгейге шығаруға деген екі мемлекеттің саяси ерік-жігерін де көрсетеді»,-деді Елбасы мәлімдемеге қол қою рәсімінен соң болған баспасөз мәслихатында.

Мемлекет басшысы келіссөздер барысында екі жақты іс-қимылдың барлық тетіктері мен қажетті тәсілдерін қолдана отырып, оларды жүзеге асыруға барынша күш салу тұрғысында Ұлыбритания Премьер-Министрін толық қолдағанын баса айтты.