Қазақстан-Өзбекстан демаркациялық комиссиясындағы үкіметтік делегацияның кезекті отырысы өтті
АСТАНА. 1 тамыз. ҚазАқпарат /Қанат Мәметқазыұлы/ - 25-29 шілде аралығында Алматы қаласында Бірлескен Қазақстан-Өзбекстан демаркациялық комиссиясындағы Қазақстан Республикасының және Өзбекстан Республикасының үкіметтік делегациясының кезекті отырысы болып өтті.
Бұл туралы бүгін дәстүрлі брифинг барысында СІМ баспасөз хатшысы Ілияс Омаров мәлім етті.
«Отырыс барысында үкіметтік делегациялар Қазақстан-Өзбекстан мемлекеттік шекарасының қорытынды демаркациялық материалдарын дайындауды жалғыстырды. Келіссөздер іскерлік және достық ахуалда өрбіді», - деді СІМ баспасөз хатшысы І. Омаров.
