Қазақстан Президенті Германия экономикасы шығыс комитетінің төрағасы Экхард Кордеспен кездесті

АСТАНА. 23 мамыр. ҚазАқпарат - Қазақстан Президенті Нұрсұлтан Назарбаев VI Астана экономикалық форумы аясында Германия экономикасы шығыс комитетінің төрағасы Экхард Кордеспен кездесті, деп хабарлады Мемлекет басшысының баспасөз қызметі.

Кездесу барысында Қазақстан мен Германия арасындағы сауда-экономикалық ынтымақтастықты нығайтуға және оның аясын кеңейтуге байланысты кең ауқымды мәселелер, сондай-ақ Германия экономикасы шығыс комитетінің осы үдерістегі рөлі талқыланды.

Мемлекет басшысы Э.Кордеске Қазақстан-Германия қарым-қатынастарын дамытуға белсене қатысқаны үшін алғысын айтып, бірлескен ынтымақтастықтың жаңа тетіктерін әзірлеудің маңыздылығына тоқталды.

Э.Кордес Қазақстан мен Германия арасындағы қатынастар дамуы серпінді сипатта екенін атап өтті, сондай-ақVI Астана экономикалық форумы аясындағы жемісті пікір алмасуларға қанағаттанушылық білдірді.