Қазақстан Республикасы Сыртқы істер министрлігінің мәлімдемесі

АСТАНА. Мамырдың 31-і. ҚазАқпарат - «ҚазАқпаратқа» Қазақстан Республикасының Сыртқы істер министрлігінен мәлімдеме келіп түсті, Ұлттық агенттік оның мәтінін ұсынады:

Қазақстан Газа Секторының маңында Жерорта теңізінде болған қақтығыс туралы хабарды терең қайғыру сезімімен қарсы алды және қаза болғандар мен жараланғандардың отбасыларына көңіл айтады.

Біз Газа Секторының халқына халықаралық гуманитарлық көмек көрсету қажет деп санаймыз.

Қазақстан Республикасы қайғылы оқиғаның мән-жайын тезірек жан-жақты тексеруді жақтайды және барлық мүдделі тараптарды ұстамдылық танытуға және шиеленісті одан әрі ушықтыруға жол бермеуге шақырады.