Қазақстан ҰҚШҰ елдерінің сыртқы саяси аренада өзара тығыз әрекеттестікте болуын қолдайды - Н.Назарбаев
ДУШАНБЕ. ҚазАқпарат - Қазақстан ҰҚШҰ елдерінің сыртқы саяси аренада өзара тығыз әрекеттестікте болуын әрі әскери және әскери-техникалық қарым-қатынасты нығайтуын қолдайды. Бұл туралы бүгін ҚР Президенті Нұрсұлтан Назарбаев кеңейтілген құрамдағы ҰҚШҰ Ұжымдық қауіпсіздік кеңесі сессиясында сөйлеген сөзінде айтты.
«Біз бұдан кейін де одақтастарымызға әлсін-әлі гуманитарлық көмек көрсете отырып, ҰҚШҰ аясында өз міндеттерімізді орындауды жалғастыра беретін боламыз», - деді Н.Назарбаев.
Мемлекет басшысы ҰҚШҰ елдерінің сыртқы саяси аренада өзара тығыз әрекеттестікте болуын әрі әскери және әскери-техникалық қарым-қатынасты нығайтуын, табиғи, техногендік, төтенше жағдайларға қарсы әрекетте ұжымдаса шара қолдануды, сондай-ақ есірткі бизнесіне, заңсыз көші-қонға, ақпараттық саладағы бұзушылықтарға қарсы күресте бірлескен операциялар өткізуді қолдайтынын мәлімдеді.
