Қазақстанда қаржылық қызметтердің серверлеріне DDoS-шабуылдар жасалды
АСТАНА. ҚазАқпарат - ҚР Ұлттық банкі 2017 жылдың 27 қыркүйегінде Қазақстанның кейбір қаржылық сервистерінің серверлеріне DDoS-шабуылдар жасалғандығы, сондай-ақ олардың 28 қыркүйек күні қайталану қатері туралы ақпарат түскенін мәлімдеді, деп хабарлайды ҚазАқпарат.
«Ұлттық банк өкілетті органдармен бірлесе ақпараттық қауіпсіздікті қамтамасыз ету саласында мәліметтерді тексеру қадамдарын іске асырып, бірқатар техникалық дайындық шаралары атқарылды. Барлық мүдделі субъектілердің жедел іс-қимылының нәтижесінде қатерді ауыздықтауға, алдын алу шараларын қабылдау үшін қажетті деректерге қол жеткізуге мүмкін болды. Оқиға барысында барлық алынған ақпарат өкілетті органға тексеру мен тергеу амалдары үшін тапсырылды»,-делінген Ұлттық банк баспасөз қызметінің мәліметінде.
DoS-шабуыл және DDoS-шабуыл - ол компьютерлік желілерге қарсы қаскүнемдер іс-әрекетінің өзге түрлерінің бірі. Осының салдарынан жүйені пайдаланушылар ресурс ұсынатын қызметтерге қол жеткізе алмайды.
