Қазақстанда коронавирустан 21 адам қайтыс болды
НҰР-СҰЛТАН. ҚазАқпарат – Коронавирустан Қазақстанда 21 адам қайтыс болды, деп хабарлайды ҚазАқпарат ҚР Денсаулық сақтау министрлігіне сілтеме жасап.
Ведомствоның мәліметінше, 24 642 адам короновирус инфекциясынан (22 841 КВИ+ және 1 801 КВИ-) емделуде, олардың ішінде 8 327 пациент стационарда жатыр, 16 315 науқас амбулаториялық деңгейде ем қабылдап жүр.
КВИ+, КВИ- шалдыққандардың арасында:
• 353 адамның жағдайы ауыр;
• 76 пациенттің жағдайы өте ауыр;
• 46 науқас ӨЖЖ аппаратында жатыр.
Ведомствоның мәліметінше, 30 наурызда коронавирустан 21 адам қайтыс болған. Оның 17-сінде коронавирус расталса, 4-уі коронавирус инфекциясының белгісі бар пневмониядан көз жұмған.
