Қазақстанда қытайлық компаниялардың қатысуымен өндірілген мұнайдың жалпы көлемі 20 миллион тоннаға жетті - Ө.Шөкеев

sp;БЕЙЖІҢ. Желтоқсанның  4-і. ҚазАқпарат /Руслан Сүлейменов/  - Қазақстанда қытайлық компаниялардың  қатысуымен өндірілген  мұнайдың  жалпы көлемі  20 миллион  тоннаға жетті.  Бұл туралы   Бейжіңде     өтіп жатқан   Ынтымақтастық жөніндегі   қазақстан-қытай комитетінің  бесінші    мәжілісінде    Қазақстан  Республикасының  бірінші вице-премьері  Өмірзақ Шөкеев  мәлім етті.

Ө.Шөкеевтің  айтуынша,  екі елдің сауда-экономикалық ынтымақтастығында   энергетика саласындағы   қарым-қатынастар   маңызды  орын алады.  «2008 жылдың  қорытындысы  бойынша Қазақстанда    қытайлық  компаниялардың  қатысуымен   өндірілген мұнайдың   жалпы көлемі    20 миллион тоннаға  жетті.   Сонымен бірге   энергия ресурстарын  тасымалдау үшін   құбыр желілерін    тарту  және  оларды пайдалану  жөніндегі  жұмыстар  жүргізілуде.    Атап  айтқанда,  ағымдағы жылдың   желтоқсан  айында  «Қазақстан-Қытай» магистральдық   газ құбыры бірінші кезегінің  құрылысын  аяқтау жоспарланып отыр, деп   атап көрсетті вице-премьер өз сөзінде.

Мұнай-химия   өнеркәсібінде  де бірлескен   жобалар     қолға   алынуда.  «2009 жылдың    қазан  айында   «Атырау  мұнай өңдеу зауыты» ЖШС  мен   қытайлық «Sinopec Engineering»  компаниясының арасында     химия  өнеркәсібі    бойынша    кешен  құрылысының келісімшартына  қол қойылды», - деп хабарлады   Ө.Шөкеев.