Қазақстанда шай мен кофе бағасы қанша тұрады
АСТАНА. KAZINFORM — Қазақстандықтардың көбі түсте және кешке шай ішкенді ұнатады. Кофе ішітіндер де аз емес. Екі сусынның бағасы аймақтарда әртүрлі. Кейбірінің айырмашылығы алшақ. Kazinform агенттігінің тілшісі бағасын салыстырып көрді.
Қазақстанда шай ішетіндер көп. Бірде бір той-думан, басқосу шайсыз өтпейді. Тіпті тойда шай дастарханы да бар. Талдау жасау кезінде салмағы 220-250 гр болатын түйіршіктелген шай бағасын салыстырдық.
Бағасы 1000 теңге тұратын шайды Қазақстанның бірнеше аймағынан сатып алуға болады. Қызылорда мен Шымкентте баға 900 теңгеден басталады. Ал Қостанайда баға 911-1511 теңге аралығында. Шайдың кейбір түрі одан да қымбат. Ақтөбеде шай бағасы 957-1960 теңге шамасында, Тараз қаласында 959 теңгеден басталып 1229 теңгеге дейін жетеді.
Түркістан, Семей, Өскемен, Павлодарда түйіршіктелген қара шай бағасы 1000 теңгеден басталады. Бұл аймақтарда шай бағасы 2300 теңгеге дейін барады.
Көкшетауда шай 1095-1639 теңге аралығында сатылып жатыр. Талдықорғанда 1099-1639 теңге деп көрсетілген. Қазақстан астанасында да баға әртүрлі. Мұнда 1167 теңгеден басталып, 2800 теңгеге дейін жетеді. Сонымен бірге Атырау қаласында да баға 1167-2800 теңге аралығында.
Ақтау, Орал, Петропавлда баға 1200 теңгеден басталады. Ақтауда бір қорабы 1240 теңгеге сатылып жатыр. Оралда 1280 теңгеден басталып, 2280 теңгеге дейін жетеді. Ал Петропавлда шай 1295-2848 теңге тұрады.
Қарағанда шайдың орташа бағасы 1310 теңге тұрады. Алматыда да баға осы шамалас. Мұнда шай бағасы 1330-3155 теңге тұрады. Ал Жезқазғанда баға бәрінен қымбат болып шықты. Мұнда салмағы 220-250 гр болатын шай 1440 теңге тұрады.
Ал салмағы 95 гр болатын кофе бағаса әр өңірде әртүрлі. Салмағы екі есе аз болғанымен, бағасы қымбаттау.
Ақтау мен Павлодарда баға 1200 теңгеден басталады. Суда тез еритін кофе құны кей жерлерде 3000-4900 теңгеге дейін жетеді. Ақтөбеде кофе құны 1352-2504 теңге аралығын көрсетіп тұр. Атырауда баға 1378-2551, Алматыда - 1399-6840 теңге.
Түркістан мен Шымкентте баға 1400 теңгеден басталады. Мұнда да бағасы жоғары кофелер бар. Бәрі де сұрпына және өндірушіге елге байланысты өзгеріп тұрады.
Көкшетауда баға сәл жоғары. Мұнда салмағы 95 гр болатын кофе бағасы 1600 теңгеден басталып 4699 теңгеге дейін жетеді. Ал Қостанайда - 1753-4700, Талдықорғанда - 1780-3020 теңге.
Орал тұрғындары суда тез еритін кофені 1800-4600 теңгеге сатып алады. Семей мен Өскеменде баға 1880 теңгеден басталып, 2450 теңгеге жетеді.
Астанада кофенің орташа бағасы 2045 теңгеден басталып, 4550 теңгеге дейін жетеді. Таразда да кофе бағасы 2055-3885 теңге тұрады.
Қазақстан бойынша кофе бағасы 3000 теңгеге жуықтайтын бірнеше қала бар. Қарағандыда кофе бағасы 2701 теңгеден басталып, 4105 теңгеге дейін жетеді. Қызылордада суда тез еритін сусын 2850 - 3800 теңге тұрады. Ал ең қымбаты Жезқазған қаласында болып шықты. Мұнда баға 2970 теңгеден басталып, 4515 теңгеге жетеді.
Айта кетейік, өткен аптада Қазақстанда бұқтырылған ет және балық бағасы қанша тұратынын білдік.
