Қазақстанда соңғы он жылда 960 мектеп пайдалануға берілді - Б.Жұмағұлов
Бұл туралы БҚО-да іссапармен жүрген ҚР Білім және ғылым министрі Бақытжан Жұмағұлов «Нұр Отан» ХДП өңірлік филиалының конференциясында мәлім етті.
Бақытжан Жұмағұлов «Нұр Отан» ХДП БҚО филиалының есепті кезеңде атқарған жұмысына жақсы баға берді.
Сондай-ақ министр Елбасының тікелей нұсқауымен білім саласына елеулі қолдау көрсетіліп жатқанын атап өтті. Мәселен, Қазақстандағы білім жүйесін қаржыландыру еуропалық елдер деңгейіне жетті. Соңғы он жылда елімізде 960 мектеп пайдалануға берілді. Және бұлардың сапасы шетелдегіден кем емес. Кембридж университеті жасаған нұсқа бойынша елімізде мектеп мұғалімдерінің біліктілігін арттыру курстары өткізілуде. Ұлттық университеттерде мамандар даярлау сапасы да көтеріліп келеді. Лицей, колледждерде кәсіби, жұмысшы мамандықтарына жастарды оқыту ісін жақсарту да - алда тұрған міндеттердің бірі.