Қазақстанда сөз бостандығы толық көлемде қамтамасыз етілген - ҚР Президенті

АСТАНА. 27 сәуір. ҚазАқпарат - Қазақстанда сөз бостандығы толық көлемде қамтамасыз етілген.

Бүгін Қазақстан халқы Ассамблеясының «Қазақстандық жол: тұрақтылық, бірлік, жаңғыру» тақырыбымен өткен ХІХ сессиясында сөз сөйлеген Елбасы Нұрсұлтан Назарбаев осылай мәлім етті.

«Бүгінгі күні біздің қолданыстағы заңнамамызға сәйкес Қазақстанда сөз бостандығы толық көлемде қамтамасыз етілгендігін бірден айтуымыз керек. Бұл саладағы істің жағдайы ТМД, ЕурАзЭҚ, ШЫҰ сынды әріптестерімізден әлдеқайда жақсы", - деді Н.Назарбаев.