Қазақстандағы мұнай, газ, көмір, уран, литий және алтынның бағасы қандай
АСТАНА. KAZINFORM – Қазақстан мұнайының бағасы барреліне 74,87 долларды құрады, деп хабарлайды Kazinform тілшісі.
Мұнай бағасы сәрсенбі күні АҚШ-тың шикі мұнай қоры азайып, АҚШ Федералдық қор жүйесі болжанғандай пайыздық мөлшерлемелерді төмендеткеннен кейін көтерілді. Алайда, ФҚЖ құлдырау қарқынын бәсеңдететінін білдіргендіктен, өсім шектелді, деп хабарлайды Reuters.
Табиғи газдың бағасы 1 миллион БЖБ (британдық жылу бірлігі, 293 кВт/сағ тең) үшін 3,42 долларды құрайды.
Литий бағасы бір аптада бір килограмм үшін 10,01 долларға дейін төмендеді.
Көмірдің әлемдік бағасы бір аптада тоннасына 128,6 долларға дейін төмендеді.
18 желтоқсандағы жағдай бойынша қазақстандық көмір сұрыптары бағасына қатысты ақпарат:
* «Шұбаркөл көмір» - 19,7 мың теңге/тонна;
• «Қаражыра» - 17,4 мың теңге/тонна;
* «Майкөбен-Вест» - 15 мың теңге/тонна.
Уранның құны килограмм үшін 164,91 долларды құрады.
Алтын бағасы бір аптада алтын 83,901 долларға дейін төмендеді.
Еске сала кетсек, 5 желтоқсанда Бірлескен Министрлік мониторинг комитетінің 57-ші отырысы және ОПЕК+ елдері министрлерінің 38-ші кездесуі өтті.
Отырысқа қатысушылар келісім негіздеріне бейілділігін растады және ОПЕК-ке қатысушы елдер мен ОПЕК-ке кірмейтін елдер үшін мұнай өндірудің жалпы деңгейін ОПЕК+ 35-ші министрлік кездесуінде қабылданған шешімдерге сәйкес 2026 жылғы 31 желтоқсанға дейін ұзартуға келісті.
