Қазақстандық төрт гимнаст Болгариядағы Challenge Cup кезеңінде бақ сынайды
АСТАНА. KAZINFROM – Қазақстан ерлер құрамасы спорттық гимнастикадан Варнада (Болгария) өтетін Challenge Cup кезеңіне қатысады.
Ұлттық олимпиадалық комитеттің мәліметінше, ұлттық құрама сапына 4 спортшы енді. Төменде жарысқа қатысатын гимнастардың тізімі берілген.
– Зейнолла Ыдырысов (ат снарядындағы жаттығулар)
– Нұртан Ыдырысов (еркін жаттығулар, қол тіреп секіру, сақина және қоссырықтағы жаттығулар)
– Роман Хегай (ат снаряды, қоссырық және кермедегі жаттығулар)
– Асан Сәлімов (еркін жаттығулар, қол тіреп секіру, кермедегі жаттығулар)
Айта кетейік, турнир 7-10 мамыр аралығында өтеді.
Бұған дейін ауыр атлетикадан Азия чемпионатына қатысатын спортшылар белгілі болғанын жазған едік.
