Қазақстандық магистранттар Мәскеудегі аэроғарыш өнеркәсібінде машықтанудан өтті
АЛМАТЫ. 12 қазан. ҚазАқпарат - Қ.Сәтпаев атындағы ҚазҰТУ «Ғарыш техникасы және технологиясы» мамандығының 12 магистранты тұңғыш рет Мәскеу авиация институты жанындағы Оқу орталығында машықтанудан ойдағыдай өтті.
Машықтану шеңберінде магистранттар Ресей ЖОО студенттеріне арналған аэроғарыш өнеркәсібі мамандарын даярлауды жүзеге асыратын Аэроғарыш онкүндігіне қатысты. Машықтану қорытындысы бойынша магистранттарға онкүндікке белсенді қатысқаны үшін сертификаттар мен грамоталар тапсырылды.
