Қазақстанның бастамасымен Австрияда есірткінің заңсыз айналымға түсуіне қарсы күрес жөнінде конференция өтіп жатыр

АСТАНА. Шілденің 9-ы. ҚазАқпарат - Венада (Австрия) Қазақстанның бастамасымен есірткінің заңсыз айналымға түсуіне қарсы күрес жөнінде конференция өтіп жатыр,

деп хабарлайды ҚР Ішкі істер министрлігінің баспасөз қызметі.

Ақпарат көзі атап өткеніндей, іс-шара, ең алдымен ЕҚЫҰ-ға мүше мемлекеттердің заңсыз айналымға түскен есірткі және психотроптық заттармен күресін күшейтуге, трансұлттық ұйымдасқан қылмысқа қарсы күресті қолдауға, сонымен қатар, ЕҚЫҰ-ға қатысушы елдердің құқық қорғау және арнайы органдарының өзара іс-қимылын жақсартуға бағытталған.

Форумды ұйымдастырушылар ЕҚЫҰ-дағы ҚР Тұрақты өкілдігі, ҚР ІІМ, ҚР СІМ және ЕҚЫҰ полиция қызметінің стратегиялық мәселелері бөлімі болып табылады.