Қазақстанның Берлиндегі Елшілігінде қазақстандық оқушылар осы елдегі құрбыларымен кездесті
БЕРЛИН. Қыркүйектің 26-сы. ҚазАқпарат /Юлия Чернова/ - Қазақстан Республикасының Германия Федеративтік Республикасындағы елшілігінде қазақстандық оқушылар мен Оберкохен қаласының неміс мектеп оқушылары арасында тәжірибе алмасу бойынша бағдарламаға қатысушылардың кездесуі болды.
Мұндай тәжірибе алмасу осымен 17-нші рет табысты жүзеге асырылып келеді.
Алматы қаласындағы №18 лингвистикалық гимназияның директоры Зәуреш Бейсембаева бастаған 15 қазақстандық мектеп оқушылары мен Оберкохен қаласындағы Эрнст-Аббе атындағы гимназияның оқытушылары Рихард Ландфрид пен Гётц Хопфензит басқарған 14 неміс оқушылары жыл сайынғы дәстүр бойынша Германияның астанасын аралады, ҚР Елшілігінің қызметкерлерімен кездесті және 2009 жылғы қыркүйектің 9-ы мен 29-ы аралығында Германияда болғандары туралы әсерлерімен бөлісті.
