«ҚазАвтоЖол» ҰҚ» АҚ-ның экс-басқарма төрағасы ұсталды
АСТАНА. KAZINFORM - Бюджет қаражатын аса ірі мөлшерде жымқырды деген күдікпен «ҚазАвтоЖол» ҰҚ» АҚ-ның экс-басқарма төрағасы А.Муратұлы ұсталды. Бұл туралы Қаржылық мониторинг агенттігінің баспасөз қызметі мәлімдеді.
Астана қаласы бойынша Экономикалық тергеп-тексеру департаменті Бас көлік прокуратурасымен бірлесе отырып, бір көзден алу жолымен бюджеттік қаражатты аса ірі мөлшерде жымқыру күдігімен «ҚазАвтоЖол» ҰҚ» АҚ-ның экс-басқарма төрағасы А.Муратұлын ұстады.
Сотпен күдіктіге қатысты 2 ай мерзімге «күзетпен ұстау» түріндегі бұлтартпау шарасы санкцияланды.
ҚР ҚПК 201 бабына сәйкес, өзге мәлімет жариялануға жатпайды.
