«Келешек мектептері»: 800-ге жуық ауыл мұғалімі біліктілікті арттыру курсынан өтті

АСТАНА. KAZINFORM – ҚР Оқу-ағарту министрлігінің «Өрлеу» біліктілікті арттыру ұлттық орталығы «Келешек мектептері» ұлттық жобасы аясында мұғалімдердің кәсіби құзыреттілігін арттыру бойынша жүйелі жұмыс жүргізіп отыр. Бұл туралы ведомство мәлім етті.

Курс LMS платформасы арқылы жүзеге асырылды. Платформада қажетті оқу ресурстары мен диагностикалық тапсырмалар қамтылған.

— Оқу үдерісі 11 пән бойынша ұйымдастырылып, педагогтерге өз пәні бойынша заманауи әдістер мен оқу мазмұнын тиімді меңгерді, — делінген хабарламада.

Айта кетейік, алғаш рет мектепте «педагог-профориентатор» лауазымы ресми түрде енгізілді.

Педагогтер үшін ең маңызды әлеуметтік кепілдіктердің бірі — жыл сайынғы ақылы еңбек демалысына шығу уақытының ұзақтығын белгілеу. Оның ұзақтығы барлық педагог үшін 56 күнтізбелік күнді құрайды. Ал осы педагогтердің еңбек құқығы қаншалықты қорғалған толығырақ мына сілтемеден оқи аласыз.