Кездесу барысында екі елдің сауда-экономикалық қарым- қатынасындағы әлеуетті әрі қарай іске асыру жайы талқыланды - Үкімет
АСТАНА. Қыркүйектің 24-і. ҚазАқпарат. Бүгін Үкімет үйінде Қазақстан Республикасының Премьер-Министрі Кәрім Мәсімов Канаданың халықаралық сауда министрі Стокуэлл Дэймен кездесті,
деп хабарлайды ҚазАқпарат Үкіметтің баспасөз қызметіне сілтеме жасап.
Кездесу барысында екі елдің сауда-экономикалық қарым- қатынасындағы әлеуетті әрі қарай іске асыру жайы талқыланды.
Тараптар инвестицияларды өзара ынталандыру және қорғау саласындағы, сондай-ақ, энергетика саласы бойынша ынтымақтастықты тереңдетуге мүдделілік білдірді.
Кездесу соңында ҚР Энергетика және минералдық ресурстар министрі Сауат Мыңбаев пен Канаданың халықаралық сауда министрі Стокуэлл Дэй атом энергиясын бейбіт пайдалану саласындағы ынтымақтастық ниеттер туралы хаттамаға қол қойды.
