Қырғызстанда жергілікті кеңес сайлауында қашықтан дауыс беру жүйесі қолданылады
АСТАНА. KAZINFORM - Қырғызстанда 2024 жылдың 17 қарашасында өтетін жергілікті кеңестер депутаттарын сайлау кезінде қашықтан дауыс беру жүйесі қолданылады.
Қырғыз Республикасы Президентінің «Қырғыз Республикасының жергілікті кенештерін тарату және Қырғыз Республикасының жергілікті кенештері депутаттарын сайлауды тағайындау туралы» 2024 жылғы 6 қыркүйектегі жарлығына сәйкес Қырғыз Республикасының сайлау және референдумдар өткізу жөніндегі орталық комиссиясына қашықтан дауыс беру жүйесін қолдану тапсырылды.
Қашықтан дауыс беру сайлаушылар тізіміне енгізілген, бірақ тұрақты тіркелген жері бойынша сайлау учаскесінде дауыс беруге мүмкіндігі жоқ және қашықтан дауыс беруге қатысу туралы өтініш берген азаматтардың белсенді сайлау құқығын іске асыруды қамтамасыз етуге арналған.
Оны өткізу үшін Бішкек, Ош, Қаракөл, Жалал-Абад, Нарын, Талас, Баткен қалаларында сайлау учаскелері құрылатын болады. Қашықтан дауыс беруге қатысушылар тізіміне енгізілген сайлаушы тек қашықтан дауыс беру форматы бойынша дауыс беруге құқылы.
Қашықтан дауыс беруге қатысқысы келетін азаматтар 2024 жылғы 1 қарашаға дейін дауыс беру күні немесе электронды «сайлаушылар кабинеті» арқылы уақытша орналасқан жері бойынша аумақтық сайлау комиссиясына өтініш беруі қажет (voter-cabinet.srs.kg) «Тизме» сайлаушылар порталында (tizme.gov.kg).
Естеріңізге сала кетейік, Қырғызстанда 17 қарашада 249 жергілікті Кенеш, сондай-ақ Бішкек және Ош қалаларының депутаттарын сайлау өтеді. Сондай-ақ, «Ата-Жұрт» саяси партиясы жергілікті кенештердің сайлауына қатыспайтыны хабарланды.
