Кішкентай алматылықтар Хэллоуин мерекесіне қалай дайындалады? - ФОТО

АЛМАТЫ. ҚазАқпарат - Алматыда «Сиқырлы асқабақ» атты күзгі фестиваль өтті. Оны «Алма» отбасылық шығармашылық фестивалі ұйымдастырды.

Республика сарайының фойесінде әр түрлі тақырыптарға арналған бірнеше алаң құрылып, онда карвинг, оригами, суық фарфор бұйымдары, балаларға арналған күзгі тәждер, жасанды көбелектер, гипстен жасалған фигуралар, ақша ағаштары және басқа да көптеген қызықты дүниелер қойылды.

Балалар мен олардың ата-аналарына күзгі Хэллоуин мерекесіне дайындалуға зор мүмкіндік берілді ­- оларға осы тақырыпта арнайы мастер-класстар өткізілді.