Қытай АҚШ-ты компанияларына қысым көрсетуді тоқтатуға шақырды

АСТАНА.KAZINFORM - Америкалық тарап экспортты бақылау құралдарын теріс пайдаланып, заңсыз біржақты санкциялар енгізуде. Бұл туралы сәрсенбі күні Қытай Сыртқы істер министрлігінің ресми өкілі Го Цзякунь мәлімдеді, деп хабарлайды Kazinform.

- Біз америкалық тарапты ұлттық қауіпсіздік тұжырымдамасын жалпылауды тоқтатуға, сауда-экономикалық және ғылыми-техникалық мәселелерді саясиландыруды және қару ретінде пайдалануды тоқтатуға, сондай-ақ санкциялар тізімі арқылы қытайлық кәсіпорындарды негізсіз басып-жаншуды тоқтатуға шақырамыз, - деді Қытай дипломаты.

Қытай Сыртқы істер министрлігінің ресми өкілінің айтуынша, «Қытай қытайлық компаниялардың заңды құқықтары мен мүдделерін қорғау үшін қажетті шаралар қабылдайды».

Айта кетейік, АҚШ Сауда министрлігі Қытай, БАӘ, Оңтүстік Африка, Иран және басқа да елдердің 80 компаниясына «АҚШ ұлттық қауіпсіздігі мен сыртқы саясатына қайшы келетін» әрекеттері үшін экспорттық шектеулер енгізген болатын.

Осыған дейін Қытай Сыртқы істер министрлігі Трамп-Путин келіссөзіне пікір білдіргенін жазған едік.