Көкшетауда азаматтық қорғау академиясының оқытушысы өлі күйінде табылды

М. Ғабдуллин атындағы азаматтық қорғау академиясындағы кабинеттердің бірінен 23 жастағы офицердің денесі табылды, деп хабарлайды Kazinform агенттігінің тілшісі.

Ақмола облыстық полиция департаменті баспасөз қызметінің хабарлауынша, 2 сәуір күні Көкшетау қаласында орналасқан ҚР ТЖМ қарасты М. Ғабдуллин атындағы азаматтық қорғау академиясы ғимаратында оқытушының денесі табылды. 

— Алдын ала түскен мәлімет бойынша ол суицид жасаған. Қылмыстық іс тіркелді. Себебі мен мән-жайы анықталып жатыр, — деп хабарлады Ақмола облыстық полиция департаменті баспасөз қызметі.

М. Ғабдуллин атындағы азаматтық қорғау академиясы баспасөз қызметінің хабарлауынша, қазір осы оқиға бойынша жедел жан-жақты тергеу жұмысы жүріп жатыр.

— Бұл оқиға оның кәсіби қызметіне байланысты емес. ҚР ҚПК 201 бабы бойынша өзге ақпарат жариялауға жатпайды, — деп хабарлады азаматтық қорғау академиясы баспасөз қызметі. 

Еске салсақ, бұған дейін Жамбыл облысында полиция қызметкері асылып қалды. Ақтөбе қаласында да полиция қызметкерінің денесі табылды.