Көктемгі су тасқынынан зардап шеккен Оразақ ауылында жүргізіліп жатқан құрылыс алаңынан өрт шықты - Ақмола облысы

КӨКШЕТАУ. ҚазАқпарат - Көктемгі су тасқынынан зардап шеккен Целиноград ауданындағы Оразақ ауылында жүргізіліп жатқан құрылыс алаңынан өрт шықты, деп хабарлады аймақтық ТЖД баспасөз қызметінен.

«Өрт қыркүйектің 3-і күні сағат 11:34 шамасында орын алған. Осының салдарынан «АрхСтрой-Система КазЭкоПан» ЖШС-нің аумағы 100 шаршы метр құрылыс жүйесіне зиян келген. Тілсіз жауды ауыздықтауға ТЖД 22-ӨБ жеке құрамынан 4 адам және 1 өрт сөндіру техникасы тартылды. Қазіргі кездеөрттің себебі және келтірілген шығын көлемі анықталуда», - деп көрсетілген хабарламада.