Көлде балық аулап жүрген бір топ адамның қайығы аударылып кетті

АСТАНА. ҚазАқпарат - Ресейдің Челябі облысындағы Аргази көлінде бес адам мінген қайық аударылып кетті. 

Бұл жайлы «Интерфакс» РФ ТЖМ өңірлік МБ баспасөз қызметіне сілтеме жасап хабарлады.

«Алдын ала мәліметтерге сәйкес, құрбан болғандар бар», - дейді баспасөз қызметінің қызметкері.

Кыштым іздеу-құтқару жасағының өкілі агенттікке қайықта болған екі балықшыны құтқарғанын, ал қалған үшеуінің тағдыры белгісіз екенін айтты.

Оқиға жайлы диспетчерге жағалауда қалған алтыншы балықшы хабарлаған.