Қонаевта референдумда дауыс беру үшін ілбіс келді
ҚОНАЕВ. KAZINFORM — Қонаев қаласында дауыс беру барысында тұрғындардың назарын ерекше қатысушы аударды.
Жаңа Конституцияны қабылдау жөніндегі республикалық референдумда № 949 сайлау учаскесіне Алматы облысының символы саналатын қар барысының кейпіндегі костюм киген қала тұрғыны келді.
«Қар барысының» келуі учаскеде болған азаматтардың қызығушылығын бірден тудырды. Дауыс берушілер ерекше қонақты жылы қарсы алып, онымен естелік суретке түсіп, мұндай креативті бастама учаскедегі көңіл-күйді көтеретінін атап өтті.
— Ілбіс — біздің облыстың символы. Бүгін мен өз азаматтық борышымды орындап, еліміз үшін маңызды оқиға — жаңа Конституцияны қабылдау жөніндегі референдумға қатысу үшін өз учаскеме келдім, — деді Қонаев қаласының тұрғыны, ілбіс кейпінде келген Шыңғыс Мұқашев.
Дауыс бергеннен кейін ілбіс басқа да дауысбеиушілермен әңгімелесіп, естелік фотосуреттерге түсті.
