Қостанай облысында жол жабылды

АСТАНА. KAZINFORM – ҚазАвтоЖол республикалық авто жолдардағы жол қозғалысына қатысты ахуалды жариялады.

Қостанай облысында ауа райының бұзылуына байланысты республикалық маңызы бар "Қостанай-Әулиекөл-Сұрған" автожолының 8-216 шақырымында (Тобыл қ. - Октябрь ауылы учаскесі), "Екатеринбург-Алматы" автожолының 463-539 шақырымында (Қостанай қ. - Федоровка ауылы учаскесі) және "Екатеринбург-Алматы" автожолының 589-683 шақырымы (Щербакова ауылы-Сарыкөл ауылы учаскесі) аралығында көліктің барлық түрінің қозғалысына шектеу қойылды.

Еске салсақ, Солтүстік Қазақстан облысының жергілікті маңызы бар жолдарында қыс уақытында 108 техника жұмыс істемек. Трассаны қардан тазартуға жеті ұйым жұмылдырылған.