Қостанай облысындағы жолға су сорғыту үшін 25 метрлік құбыр орнатылды

ҚОСТАНАЙ. KAZINFORM - «Қостанай — Әулиекөл — Сұрган» (211 км) және «СҚО шекарасы — Сарыкөл — Қостанай» (689–690 км) трассасында су тасқынымен байланысты жағдайды арнайы құрылғының көмегімен реттемек.

Арнайы жасалған құрылғы «су құятын дамба» деп аталады. Ол су өткізбейтін материалдан жасалған ұзындығы 25, биіктігі 1,5 метрлік құбыр. Оның арнайы жасалған ойықтарынан су жіберіледі де дамба ауыр әрі тұрақты болады. Ол судың әрі қарай ағуын тежейді.

- Пайдаланылған су қайтадан төгіледі. Ал құрылғы жинап алынады, оны кейін тағы пайдалануға болады. Мұндай дамбалар өте ыңғайлы, өйткені оны тасымалдау да, қажетті жерге қайта орнату да ыңғайлы, – делінген «ҚазАвтожол» ҰК» акционерлік қоғамының хабарламасында.

Осыған дейін Батыс Қазақстан облысындағы өзендере су деңгейінің түскенін жаздық.