ҚПЛ: Бүгін ел біріншілігінде төртінші тур ойындары басталады

АСТАНА. KAZINFORM - Бүгін футболдан Премьер-лига командалары арасындағы Қазақстан чемпионатының төртінші туры басталады.

Касым-Жомарт Токаев и Виктор Орбан посетили футбольный матч между сборными Венгрии и Германии
Фото: Ақорда

Төртінші тур 5 және 6 cәуір күндеріне белгіленген. 5 сәуірде төрт ойын өткізілсе, 6 cәуірде үш кездесу белгіленген.

Аталған турдың шымылдығын бүгін, 5 сәуірде 15.00-дe көкшетаулық «Оқжетпес» (Көкшетау) пен «Тобыл» (Қостанай) командалары ашады.

Осы күні 16.00-де «Жетісу» (Талдықорған) мен «Жеңіс» (Астана) шеберлік байқасады.

Ал 17.00-дe «Қызылжар» (Петропавл) мен «Тұран» (Түркістан), «Астана» мен «Ордабасы» (Шымкент) кездеседі.

Ал 6 cәуірде 15.00-дe «Атырау» мен «Қайрат» (Алматы) ойнаса, 16.00-де «Ақтөбе» мен «Қайсар» (Қызылорда), 17.00-дe «Елімай» (Семей) мен «Ұлытау» (Жезқазған) шеберлік байқасады.

Ойындарды «Qazsport» және «Sport Plus Qazaqstan» телеарналары тікелей эфирде көрсетеді.

Еске салсақ, Ұлттар лигасында Қазақстан әйелдер құрамасы алғашқы жеңісіне жетті.

 

Соңғы жаңалықтар