ҚР ҚК Бас штабының бастығы қытайлық әріптесімен екіжақты ынтымақтастық, ШЫҰ шеңберіндегі өзара іс-қимыл мәселелерін талқылады
Бұл туралы министрліктің баспасөз қызметінен мәлім етті.
Бұл сапар Қазақстан мен Қытай министрліктері арасындағы екіжақты ынтымақтастық жоспарына сәйкес, сондай-ақ Қытай Халықтық азат ету армиясы Бас штабының бастығы генерал-полковник Фан Фэнхояның шақыруы бойынша жүзеге асырылды.
Сапар барысында генерал С.Жасұзақов ҚХР Орталық әскери кеңесі төрағасының орынбасары генерал-полковник Фань Чанлунмен, Шыңжаң және Чендус әскери округтерінің қолбасшыларымен кездесті.
Сондай-ақ, сапар шеңберінде Қазақстан Қарулы Күштері Бас штабының бастығы Қытай Халықтық азат ету армиясының Ұлттық қорғаныс академиясында болып, саяси комиссар генерал-полковник Лю Ячжоумен кездесті, аталған оқу орнының тыңдаушыларына дәріс оқыды.
Ресми сапар қорытындысы бойынша Қытай Халық азат ету армиясы Бас штабының бастығы генерал-полковник Фан Фэнхоянмен болған кездесуде екіжақты ынтымақтастық, ШЫҰ шеңберіндегі өзара іс-қимыл, әскери-техникалық ынтымақтастық, әскери білім және сержанттар құрамын даярлау мәселелері талқыланды.