ҚР Премьер-Министрі БҰҰ өкілдерімен кездесті

АСТАНА. 23 мамыр. ҚазАқпарат - Бүгін Үкімет үйінде ҚР Премьер-Министрі Серік Ахметов VI Астана экономикалық форумының жұмысына қатысып жатқан Біріккен Ұлттар Ұйымының (БҰҰ) өкілдерімен кездесулер өткізді.

Бұл туралы Үкімет басшысының ресми сайтынан хабарланды.

БҰҰ Бас Ассамблеясының Президенті Вук Еремичпен әңгімелесу барысында халықаралық күн тәртібінің өзекті мәселелері бойынша пікір алмасу өтті.

Екіжақты қарым-қатынас перспективалары Серік Ахметовтің БҰҰ Бас хатшысының орынбасары, Экономикалық және әлеуметтік мәселелер жөніндегі департамент басшысы У Хунбомен, БҰҰ Еуропа экономикалық комиссиясының Атқарушы хатшысы Свен Алкалаймен, БҰҰ Экономикалық және Әлеуметтік Кеңесі Президенті Нестор Осориомен кездесуде талқыланды.