ҚР Премьер-Министрі Кәрім Мәсімов Біріккен Араб Әмірліктерінің энергетика министрі шейх Мұхаммед Бин Загин Әл - Хамилимен кездесті

деп хабарлайды ҚазАқпарат Үкіметтің баспасөз қызметіне сілтеме жасап.

Кездесу барысында екі елдің арасындағы экономикалық ынтымақтастықты одан әрі дамытудың болашақтағы бағыт-бағдары туралы әңгіме өрбіді.

Шейх М.Әл-Хамили Қазақстанға Маздар қ. ( Абу-Даби әмірлігі, БАӘ ) кандидатурасын биыл құрылған баламалы энергетика жөніндегі Халықаралық агенттіктің штаб - пәтерін (IRENA - The International Renewable Energy Agency) орналастыруға қолдау білдіргені үшін алғысын айтты.

Кездесу соңында тараптар Қазақстан мен Біріккен Араб Әмірліктері арасындағы өзара сауда - экономикалық қарым - қатынастарды әрі қарай дамытудағы екі елдің ұмтылысын нақтылады.