ҚР СІМ басшысы мен БАӘ энергетика министрі инвестициялық, сауда-экономикалық және саяси саладағы ынтымақтастық мәселелерін талқылады

АСТАНА. 8 қазан. ҚазАқпарат - Бүгін Қазақстан Республикасының Сыртқы істер министрі Ерлан Ыдырысов Біріккен Араб Әмірлігінің энергетика министрі Сухеил Мухаммед Альмазруиді қабылдады.

Бұл туралы ҚР СІМ баспасөз қызметі хабарлады.

Кездесу аясында әңгімелесуші тараптар өзара мүдделі инвестициялық, сауда-экономикалық және саяси саладағы ынтымақтастықтың кең ауқымды мәселелерін талқылады. Біріккен қазақстан-эмираттық үкіметаралық комиссияның қызметі, сондай-ақ екі ел арасындағы СІМ-аралық саяси кеңесі ынтымақтастығының даму рөлі атап өтілді.

Бұған қоса, тараптар 2020 жылы ЭКСПО көрмесін өткізуге БАӘ-ның үміткерлігін және Астанада өтетін ЭКСПО-2017 көрммесіне байланысты дайындықтар мәселелерін талқылады.