ҚР Сыртқы істер министрінің орынбасары Қ.Сарыбай Киевте ТМД СІМК отырысына қатысты
АСТАНА. 8 сәуір. ҚазАқпарат - Қазақстан Республикасы Сыртқы істер министрінің орынбасары Қайрат Сарыбай Киевте ТМД-ға мүше мемлекеттер Сыртқы істер министрлері кеңесінің кезекті отырысына қатысты,
деп хабарлайды ҚР СІМ баспасөз қызметі.
Күн тәртібінде ТМД аясындағы ынтымақтастықты дамыту мен өзекті мәселелерді қамтитын сұрақтар қаралды. Отырысқа қатысушылар ТМД-ның 20 жылдығына байланысты ТМД-ға мүше елдердің Мемлекет басшылары Мәлімдемесінің жобасын келісті.
Отырыс аясында Қазақстан делегациясының басшысы өз әріптестерін Н.Ә.Назарбаевтың Қазақстан Республикасы Президенті қызметіне ресми кірісу салтанатындағы сөйлеген сөзімен таныстырып өтті.
