ҚР Сыртқы істер министрлігінде Еуроодақтың Орталық Азия бойынша арнайы өкілімен кездесу өтті
АСТАНА. Желтоқсанның 7-сі. ҚазАқпарат - Бүгін Астанада ҚР Мемлекеттік хатшысы-Сыртқы істер министрі Қанат Саудабаев Еуроодақтың Орталық Азия бойынша арнайы өкілі Пьер Морельді қабылдады,
деп хабарлайды ҚР СІМ баспасөз қызметі.
Тараптар «Орталық Азия - Қазақстан -Еуроодақ» қатынастарының жай-күйі мен перспективаларын, Испанияның Еуроодаққа төрағалық етуі кезеңіндегі Қазақстан-Еуроодақ саяси диалогтарының басымдықтары мен міндеттерін, «Еуропаға жол» мемлекеттік бағдарламасының және Еуроодақтың Орталық Азиядағы стратегиясының іске асырылуын, энергетика және қоршаған ортаны қорғау салаларындағы өзара іс-қимыл жасауды талқылады. Қазақстанның ЕҚЫҰ-ға 2010 жылы төрағалық етуіне, Астана мен Брюссель арасындағы Ынтымақтастық кеңесінің 11-інші отырысындағы уағдаластықтың іске асырылуына айрықша көңіл бөлінді, сондай-ақ Қазақстан-Еуроодақ жаңа базалық келісімі жасалды.
Бірқатар халықаралық және аймақтық көкейкесті проблемалар бойынша пікір алмасылды.
