Құрылыс жобаларына қатысты сұрақтарға орай семинар-сабақ өткізілді

ҚЫЗЫЛОРДА. Желтоқстанның 2-сі. ҚазАқпарат (Руслан Игілік) -  Қызылорда облыстық төтенше жағдайлар департаментінің мәжіліс залында мемлекеттік өрт бақылау басқармасы өртке қарсы нормалау бөлімінің ұйым­дастыруымен құрылыс жобаларына қатысты сұрақтарға орай семинар-сабақ өткізілді,

деп хабарлайды ҚазАқпарат тілшісі.

Аталмыш семинарда өртке қарсы нормалау бөлімінің бас маманы, өртке қарсы қызмет аға лейтенанты Б.Тұрманов баяндама жасады. Қатысушылар ғимараттар мен ғима­раттарды қайта жаңғырту немесе күрделі жөндеу құрылыс жұмыстарына жасалған жоба құжаттары бойынша мем­лекеттік өрт бақылау органымен келісім жасау төңірегінде талқылау, пікір алысу барысында күнделікті қызметте өздерін толғандырып жүрген сұрақтарға кеңірек тоқталды.

Құрылыс жобаларындағы өрт қауіпсіздігінің талаптары туралы өткен семинарды департамент бастығының орын­басары, өртке қарсы қызмет подполковнигі Б.Данилов қорытындылады.