Құтқарушылар каньонға түсіп кеткен ер адамды құтқарды

АСТАНА. KAZINFORM — Құтқарушыларды көмекке шақырып, 112 нөміріне туристің жолдастары хабарласқан. Бұл туралы ТЖМ баспасөз қызметі хабарлады.

Түнде Түркістан облысы Төлеби ауданы Мәдени ауылынан 500 м қашықтықта 1989 жылы туған ер адам 50 м тереңдіктегі каньонға түсіп кетіп, өздігінен көтеріле алмаған.

Шақыртуға келген жедел-құтқару жасағының қызметкерлері каньонға түсіп, ер адамды көтеріп алып шықты. 

Айта кетелік Астанада құтқарушылар өзіне қол жұмсамақ болған қызды аман алып қалған еді.