Құтқарушылар Оңтүстік Қазақстанда ауыл тұрғынын іздестіру үшін квадрокоптерді іске қосты
АСТАНА. ҚазАқпарат - Оңтүстік Қазақстан облысының Ордабасы ауданында жоғалып кеткен адамды іздестіруде.
«Оңтүстік Қазақстан облысы ТЖ департаменінің жедел кезекшілік басқармасының пультіне 2016 жылғы 23 сәуірде 12.30-да Ордабасы ауданының Бөген ауылының 1986 жылы туылған тұрғыны, І топтағы мүгедек 22 сәуірде шамамен 07:00-де үйінен шығып кеткен, содан бері оралған жоқ, деген шұғыл хабар келіп түсті. Іздеу тобы ұйымдастырылды. Ордабасы ауданының Бөген ауылында Түркістан магистральді арнасында ОҚО ТЖД жедел-құтқару жасағының, №8 және 18 өрт сөндіру бөлімдерінің, Ордабасы ауданындағы «Бадам» өрт сөндіру бекетінің, аудандық ішкі істер бөлімінің, сондай-ақ туыстары мен жергілікті тұрғындардың бірлескен күшімен іздестіру жұмыстары жүргізілуде», - деп әңгімеледі ҚР ІІМ Төтенше жағдайлар комитетінің ресми өкілі Руслан Иманқұлв.
Іздестіру тобы, соның ішінде ОҚО ТЖД жедел-құтқару жасағының сүңгуірлері Түркістан магистральді арнасының 35 шақырымдық аумағын, квадрокоптермен екі бағытта 3 шақырым жер тексерілді.
Р.Иманқұловтың айтуынша, іздестіру жұмыстарына 73 адам, 3 бірлік техника, 1 моторлы және 1 үрлемелі қайық, 1 квадрокоптер жұмылдырылған.
Іздестіру жұмыстары жалғасуда. 
