Қырғызстан азаматтарын Қазақстан аумағында тіркеу мәселелері Бішкектегі кездесуде талқыланды
БІШКЕК. Мамырдың 24-і. ҚазАқпарат /Евгений Новиков/ - Бүгін Қазақстан сыртқы істер министрінің бірінші орынбасары Нұртай Әбіқаев Қырғызстан уақытша үкіметі төрайымының орынбасары-қаржы министрінің міндетін атқарушы Темір Сариевпен кездесу өткізді.
Кездесу барысында Т.Сариев Н.Әбіқаевтың бұл сапары екі мемлекет пен бауырлас халықтардың көршілес және достық қарым-қатынасының жақсы белгісі болып табылатындығын атап өтті.
Сонымен қатар, Т.Сариев сұхбаттасушысына Қырғызстанның қоғамдық-саяси және экономикалық жағдайы, уақытша үкіметтің жоспарлары мен қызметі, атап айтқанда, ел Конституциясының жаңа нұсқасы бойынша жалпыхалықтық референдумның дайындалу барысы, сондай-ақ парламенттік сайлау туралы ақпарат берді.
Кездесуде қырғыз-қазақ мемлекеттік шекараларындағы барлық пункттердің ашылуына, сондай-ақ қырғызстандық азаматтарды Қазақстан аумағында тіркеу режіміне баса көңіл бөлінді.
ҚР уақытша үкіметі төрайымы орынбасарының пікірінше, Қазақстанмен болатын стратегиялық әріптестік пен одақтық қарым-қатынастар Қырғызстан сыртқы саясатының ең маңызды басымдығы болып қалады, және де уақытша үкімет қазақстандық инвестицияларды сақтап қалу үшін барлық қажетті шараларды қолға алуда.
