Қырғызстанның бұрынғы сыртқы істер министрі Шанхай ынтымақтастығы ұйымының Бас хатшысы болып тағайындалды
Шанхай ынтымақтастығы ұйымының құрамына кіретін барлық мемлекеттердің ресми өкілдері Мұратбек Иманәлиевтің кандидатурасын бірауыздан мақұлдады. Жаңадан тағайындалған бас хатшы қызметіне 2010 жылдың қаңтар айынан кіріседі.
Мұратбек Иманәлиев 1991-992 жылдары, 1997-2002 жылдары Қырғыз Республикасының сыртқы істер министрі болған, 1993-1996 жылдары Қырғызстанның Қытайдағы елшісі қызметін атқарған, 1996-1997 жылдары - Қырғыз Республикасы Президент Әкімшілігінің халықаралық бөлімінің меңгерушісі, 2004 жылы «Жаңа бағыт» қозғалысының тең құрылтайшысы болып қызмет еткен. 2005 жылы Қоғамдық саясат институтының президенті болып сайланған. Ал 2009 жылдың қаңтар-қазан айларының аралығында Қырғыз Республикасы Президентінің кеңесшісі болып қызмет етті.