Қызылорда қаласында газ беру уақытша тоқтатылды

ҚЫЗЫЛОРДА. 2 қазан. ҚазАқпарат - Қызылорда қаласында газ беру уақытша тоқтатылды. Бұл туралы қала әкімінің баспасөз қызметінен хабарлады.

«Облыс орталығын осыған дейін «көгілдір отынмен» Құмкөл даласындағы «Ақшабұлақ» газ өңдеу зауыты қамтамасыз етіп келген еді. Енді қаланы «Бейнеу-Бозой-Шымкент» магистральды газ құбыры арқылы жылытуға көшеміз. Оған құбырларды қосу үшін 2-4 қазан аралығында тұрғындарды газбен қамтамасыз ету тоқтатылды», - деп мәлімдеді бүгін қала әкімінің орынбасары Мұрат Тілеуімбетов баспасөз брифингінде.