Қызылорда облысында 89,5 млн теңгенің жобалары мақұлданды
АСТАНА. ҚазАқпарат - Қызылордада аймақтық үйлестіру кеңесінің 2016 жылғы алғашқы отырысында «Бизнестің жол картасы - 2020» бағдарламасы бойынша 89,5 млн теңгенің жаңа жобалары қолдау тапты, деп хабарлайды облыстық әкімдіктің баспасөз қызметі.
Кәсіпкерлер жобаларын өндіріс саласында жүзеге асыруға ынталы. Қолдау тапқан 6 жобаның 5-уі - тамақ өндірісі бағытында. Ал 3 жоба ауылдық жерде жүзеге асырылады.
Айта кетерлік нәрсе, ауылда жұмыс істейтін кәсіпорындар мен ҮИИДБ аясында экономиканың өндірістің басым секторында жүзеге асатын жобалар бойынша несиенің пайыздық үстемесінің мемлекет 10% субсидиялайды. Екінші деңгейлі банктерден алған несие қаражатына жеке кәсіпкерлік субъектілері бизнесін дамыту үшін айналым қаражатын толтыруға және қажетті құрал-жабдықтар сатып алуға жұмсайды.
ЖК «Нұғманова Б.», ЖК «Пасынкова Н.», ЖК «Ай-Диль» және «МеаПрим» ЖШС компаниялары кепіл мүліктің жетіспеушілігі мәселесін «Даму» қорының жобаларды кепілдендіру құралы аясында шешті. Кәсіпкерлерге мемлекеттік қолдау асында 85%-ға дейін кепілдеме берілді.
