Қызылорда облысында 9 мыңнан астам көп балалы ана бар

ҚЫЗЫЛОРДА. Наурыздың 4-і. ҚазАқпарат /Руслан Игілік/ - Қызылорда облысында көп балалы аналардың жалпы саны 9280 адамды құрайды,

деп хабарлайды ҚазАқпарат тілшісі.

Бүгінгі күнге олардың 5570-і ғана наградаға құжат рәсімдегенін мәлімдеді. Түсін­дірме жұмыстарының кемшін­дігінен ауылдардағы аналар мем­лекеттік награданың жаңа тәртібінен бейхабар. Облыс бойынша марапат­тауға ұсыныс қаңтардың ортасынан бастап келіп түскен. Нәтижесінде ҚР Президентінің жыл басындағы алғашқы Жарлығына облыстан бір ғана сырдариялық іліккен. Мемлекет басшы­сының екінші Жарлығында қызылордалық аналар бар. Олардың марапаттаулары сегізінші наурызға дейін жеткізіледі. «Алтын алқа» мен «Күміс алқа» иелеріне ай сайын 8 мың 478 теңге төленеді. Құжаттарды тағайындау барысында Қазалы, Сырдария аудан­дары мен Қызылорда, Байқоңыр қала­лары бірқатар кемшіліктерге жол берген. Наградтау құжаттары талап­тарға сәйкес толтырылмай кері қайта­рылған. Арал ауданы 1236 көпбалалы ананың 357-сінің ғана құжатын рәсім­деген. Сондай-ақ рәсімдеу жұмыс­тарын Жалағаш ауданы - 55 пайызға, Жаңақорған ауданы - 59 пайызға, Қармақшы ауданы - 73 пайызға, Сырдария ауданы - 84 пайызға, Шиелі ауданы - 86 пайызға, Қазалы ауданы 87 пайызға орындаған.