Қызылорда облысында күріш сорттарын жаңартуға ерекше мән беріле бастады

деп хабарлайды ҚазАқпарат тілшісі.

Ағымдағы жылы облыс басшылығының қолдауымен ғылыми-зерттеу  институтының материалдық жағдайын жақсартуға қомақты қаржы қарастырылды.  Қазіргі таңда ғалымдар күріштен өзге бақша өнім­дерінің де жаңа сорттарын өндіріске енгізіп келеді. Өңірдегі басты дақыл - күріштің «Арал-202», «Ару», «Түгіскен-1» деп аталатын аудандастырылған сорттары мен қауынның «Сырдария», «Дәмелі» деген атау иеленген жаңа түрлеріне мемлекеттік тұқым институтының қорытындысы берілді. Сонымен қатар «Арал-4», «Арал-5», «Арал-6» аталатын жаңа күріш тұқымы сынақтан өтуде. Шарт­ты атауы «Түркістан-15» деп бел­гіленген жоңышқаның сортын зерттеу жұмыстары жалғасып жатыр.

 Биыл аймақ бойынша егілген күріш алқабының жартысынан астамын жергілікті сорт құрайды. Қаржы мәсе­лесі толық шешілсе, институттың бүкіл облысты «Маржан», «Кубань-3» күріш сорт­та­рының супер-элита тұқымы­мен қамтамасыз етуге мүм­кіндігі бар.