Қызылорда облысында Отан үшін от кешкен майдангерлер жастармен кездесті
ҚЫЗЫЛОРДА. ҚазАқпарат - «Жастарды қолдау орталығы» Қазалы аудандық бөлімінің ұйымдастыруменен Ұлы Жеңіске 70 жыл толу мерекесіне орай Ұлы Отан» соғысы ардагерлерінің ерлігін жастарға насихаттау, оларды ұлықтау мақсатында Ұлы Отан соғысы ардагерлерімен аудан жастарының кездесуі өткізілді, деп хабарлады аудандық әкімдіктің баспасөз қызметінен.
Кездесуге «Ұлы Отан» соғысының ардагері Қабақ Смағұл, аудандық ардагерлер кеңесінің төрағасы Оразғали Бекбанов, «Нұр Отан» партиясы Қазалы аудандық филиалы төрағасының бірінші орынбасары Қасқырбек Мәмбетжан, «Ауған соғысының» ардагері, ардагерлер қоғамдық бірлестігінің төрағасы Айдар Әлиев «Ауған соғысының» ардагері, қызыл жұлдыз иегері Күмісбай Серікбаев, «Семей Невада» қоғамдық бірлестігінің Қазалы ауданы бойынша өкілі Өмірбек Күлімбетов және аудан жастары қатыстырылды.
Кездесу барысында ардагерлер соғыс жылдарындағы қиындықтармен, жасалған жұмыстармен ерлік көрсеткен ұлы тұлғалар туралы сөз етті.
