Қызылорда облысында прокуратураның араласуымен 543 млн. теңгенің еңбекақы қарызы өтелді
ҚЫЗЫЛОРДА. 25 қаңтар. ҚазАқпарат /Жаңагүл Сердалы/ - Өткен жылы прокуратураның жасаған ықпал ету шараларының нәтижесінде 543 млн. теңгенің еңбекақы жөніндегі берешегі тиісті иелерінің қолдарына тиген.
Қызылорда облыстық прокуратурасының баспасөз хатшысы Сая Темірбекованың айтуына қарағанда, осының негізінде 32 мекеменің 9 882 жұмысшысы жалақы бойынша қарыздарын алған. Сондай-ақ еңбек заңнамасын бұзған 98 тұлға әкімшілік жауапкершілікке тартылып,, 7 заңды тұлғаға қатысты құжаттар процессуалдық шешім қабылдау үшін ішкі істер органдарына жолданған.
