Қызылорда облысында жедел алдын алу іс-шарасы өтіп жатыр

ҚЫЗЫЛОРДА. Қарашаның 7-сі. ҚазАқпарат /Руслан Игілік/ -  Облыс көлемінде желтоқсанның алғашқы жарты­сында белгіленген жедел алдын алу іс-шарасы өтіп жатыр,

деп хабарлайды ҚазАқпарат тілшісі.

Оның мақсаты - бұрынғы қылмыстарды ашу, қоғамдық орындар мен көшелердегі құқық бұзушы­лықтың алдын алу, тәртіпті қамтамасыз ету.

Шараға облыстық ішкі істер департаменті мен Қызылорда қалалық ішкі істер басқармасының қыз­меткерлері толықтай жұмылдырылды. Алғашқы екі күнде Қызылорда қаласы бойынша 27 қылмыс дерегі тіркеліп, оның 25-інің ізі суымай ашылды. Қылмыстың басым бөлігі - мүлік ұрлықтары. Сондай-ақ екі тәулік ішінде медициналық айықтырғышқа 42 адам жатқызылып, ұсақ бұзақылықтар жасағаны үшін 43 адам әкімшілік жазаға тартылды.