17:28, 14 Шілде 2010 | GMT +5
Қызылорда облысының денсаулық сақтау саласы көптен күткен томографтарға таяуда қол жеткізетін түрі бар
ҚЫЗЫЛОРДА. Шілденің 14-і. ҚазАқпарат /Руслан Игілік/ - Қызылорда облысының денсаулық сақтау саласы көптен күткен магнитті резонансты томограф пен компьютерлі томографқа алдағы тамыз айында қол жеткізіп қалатын түрі бар.

Қалай дегенде де облыс әкімі облыстық мәслихаттың кезектен тыс сессиясында депутаттарға осындай уәде берді. Қазір аталмыш зәру де сапалы жабдықтарды оларды орналастыру үшін облыстық медициналық орталығының негізгі ғимаратына қосымша құрылыс жүргізіліп жатыр.